Po nuk është e vërtetë, më mirë mos e thuaj !

Dëgjojmë  një  zhurmë  që  nuk  arrijmë  ta  kuptojmë  se  nga  vjen  dhe  për  të  mbushur  boshllëkun  që  lë  informacioni  i  munguar  përdorim  imagjinatën, marim  me  mend, i  lidhim gjërat  si  duam  vetë , sajojmë; pra  nxjerrim  kështu  një  konkluzion  të  gabuar. Ndodh  kështu  dhe  me  thashethemet. Shumë  persona  gabojnë  duke  sajuar  me  gojën  e  tyre  një  gjë  që  nuk e  kanë  parë  me  sytë  e  tyre. Dmth  përhapin  thashetheme  për  të  cilat  nuk  janë  të  sigurtë  dhe  shpesh  krijojnë  konfuzion  dhe  shqetësim.Në  fakt  disa  thashetheme  dhe  sajesa  mund  të  shkaktojnë  ngatërresa,  shkatërrojnë  jetë,  ndajnë  çifte  dhe  miq,  provokojnë  përplasje, gjenerojnë  urrejtje  dhe  pendesa  të  rënda. Megjithatë  vazhon  të  ketë  persona  që  dëfrehen  kur  shpërndajnë  thashetheme  të  vetëdijshëm  ose  jo  për  të  keqen  që  mund  të  shkaktojnë  duke  i  ndarë  me  ata  që  janë  të  gatshëm  ti  dëgjojnë.

Ka  plot  arsye  që  gjenerojnë  thashethemet. Janë  ato  bindjet  që  kemi , pritshmëritë, paragjykimet, mënyra  si  e  shohim  botën; pra  i  spjegojmë  gjërat  në  bazë  të  asaj  që  ndjejmë dhe  jo  asaj  që  shohim  objektivisht. Këto  konkluzione  “justifikojnë”  deri  diku   arsyen  pse  meremi  me  thashetheme.

Por  në  disa  raste  thashethemet  dhe  sajimet  për  të  tjerët  nuk  janë  thjesht  gabime  të  mënyrës  si  mendojmë, por  një  simptomë  e  diçkaje  më  serioze. Thashethemexhinjtë  kërkojnë  të  tërheqin  vemendjen  e  të  tjerëve, në  mënyrë  që  ata  të  tregojnë  interes  ndaj  tyre. Kanë  nevojë  urgjente  që  ti  dëgjojnë  dhe  nuk  ju  bëhet  vonë  që  për  ta  arritur  këtë  duhet  të  shpikin  diçka  të  paqënë. Në  këtë  rast  bëhet  fjalë  për  një  shtrembërim  të  sjelljes  që  manifestohet  nëpërmjet  një  kompleksi. Thashethemet  dhe  sajimet  janë  instrumenti  që  ju  lejon  atyre  të  transformohen  në  persona  të  rëndësishëm.

Për  të  qënë  larg  zinxhirit  të  thashethemeve  mundësisht  mësojmë  ta  kalojmë  informacionin  para  se  të  flasim  nëpërmjet  tre  filtrave  si  ç’tregon  ky  mësim  i  Sokratit :

Ishin  mbledhur  për  të  festuar  në  shtëpinë  e  Sokratit, kur  mbërrin   një  nxënës  shumë  i  shqetësuar   dhe  i  thotë: –  Mjeshtër !  Dua  të  të  them  se  një  mik  i  yti  po  fliste  keq  për  ty…Sokrati  e  ndërpreu  dhe  i  tha : – Prit ! E  ke  kaluar  permes   tre  filtrave  atë  që  ke  ndërmend  të  më  thuash ? – Tre  filtra ?… – Po  – ju  përgjigj  Sokrati .- Filtri  i  parë  është  e  Vërteta.  A  e  ke  provuar  nëse  ajo  që  do  të  më  thuash  është  e  gjitha  e  vërtetë  ? – Jo…e  dëgjova  nga  disa   fqinjët  e  mi… – Po  të  paktën  e  ke  kaluar  në  filtrin  e  dytë , që  është  Mirësia ? : Ajo  që  do  më  thuash  eshtë  të  paktën  ndonjë  çik  e  mirë ?– Jo, jo  aspak… madje  është  krejt  e  kundërta …Ah ! – e  ndërpreu  Sokrati – Atëherë  le  të  kalojmë  te  filtri  i  fundit . Eshtë  e  nevojshme  që  të  ma  tregosh  atë  që  dëshiron  të  më  thuash ? – Të  them  të  vërtetën , Jo…nuk  është  e  Nevojshme. – Atëherë  – thotë  duke  qeshur  dijetari  i  mënçur, nqse  nuk  është  as  e  vërtetë , as  e  mirë  dhe  as  e  nevojshme … le  ta  groposim  në  harresë……

Në  rastet  kur  marja  me  llafe  bëhet  zakon, stil  jetese  dhe  përdoret  për  t’u  bërë  pjesë  e  grupeve  sociale  është  e  nevojshme  të  kërkohet  ndihmë  psikologjike, sepse  personi  nuk  ndjehet  i  lumtur, por  e  jeton   jetën  nëpërmjet  të  tjerëve, duke  e  lënë   të  tijën  ti  “rrëshqasë  nga  duart “.

7/Nentor/2016