Gratë  kundër  grave.

Duket sikur kemi heshtur pothuajse gjithmone për atë formën e armiqësisë që gratë ushqejnë ndaj njëra – tjetrës…Ndoshta kemi heshtur për kete lloj ligësie mes nesh sepse te shtypura nga sistemi patriarkal jemi  prirur të besojme në një zemergjerësi dhe miresjellje femerore te supozuar… Ndoshta e kemi bërë për të mos  u ndjere të vetmuara në këtë botë armiqesore. Ndoshta…

Të dashura mikesha ! Të dashura gra ! Nuk është e thënë që duhet të ngremë zërin, të shkruajmë dhe të  shpërndajmë lajmin vetëm ne ditën që ka ngjarje, apo në datën që celebrohet “festa” jonë. Do ishte mire që  të bëjmë durim dhe të presim ; – te presim te kalojnë disa ditë dhe pastaj t’i themi gjërat. Fjala që thuhet në  ditët më vonë vlen shumë për të mbajtur gjallë interesimin edhe ne ditet pas ndodhise së tmerrshme që nxin  me gërma të mëdha kryeartikullin e te perditeshmes me në qender gruan e dhunuar.

Shumë  pra  është  thënë  sesi  kudo ne bote, grate  nuk gëzojne të  drejta  te  barabarta per t’u ndjere te  realizuara me veten. Shkruhet e rishkruhet sesi  diskriminohen në menyra nga me te ndryshmet , e në  shume raste  përndiqen , shfrytezohen  dhe nuk  kane mundesi te therrasin, madje edhe ne vende  shume te zhvilluara konsiderohen akoma si nje “plaçke”. Por shume pak flitet per “misogjinine  femerore,” atë të grave armike ndaj grave të tjera. Te  atyre grave që “sterviten” nga pozicionet e tyre më të  errëta dhe dinake,qe perzgjidhen nga burrat dhe  qeveritë për të mbajtur larg gratë e tjera nga jeta sociale , kulturore dhe vendimarrese në bote. Po kaq pak , degjohet të flitet për  perpjekjet , stërmundimin  dhe lodhjen e jashtezakoneshme që duhet të bëjë çdo  grua per t’u afirmuar, shpesh qindra here më teper se sa një burrë. Nderkohe , qe i mëshohet shumë dhe  favorizohen  “rruget e shkurtra e te papranueshme”, qe akoma sot disa gra ndjekin në dëm të gjitha grave të  tjera për të zënë një pozicion të caktuar , nje rol të rendesishem , një  “pushtet,” qe shpejt mund te rezultoje  edhe armiku i atyre vetë. Te gjitha ketyre grave dua  t’ju kujtoj nje thenie  te Ghandit :” Nëse  jo  dhuna  eshte  ligji  i  qenies  tone, e  ardhmja  ju  përket  grave !” Mesoni pra gra te jeni aleate me njera – tjetren  me besnikeri, sinqeritet, kurajo dhe dashuri jo të rreme.

(psikologjia për të gjithë)                                                                                                              10/prill/2019