Kukulla Brigida , Elsi dhe F.Kafka.

…Nje  vit  para  se  të  vdiste Franz  Kafka  pati  një  eksperience  të  pazakontë. Duke  shëtitur  në  parkun  Steglitz  në  Berlin  takon  një  vajzë  të  vogël  me emrin  Elsi  që  qante  e  dëshpëruar  sepse  i  kishte humbur  kukulla  e  saj  Brigida.

Kukulla  Brigida  është  një  lodër  shumë  e  dashur  për  vajzën  sepse  është  dhurata  e  parë  që  ka marë  nga  mamaja  e  saj  kur  ka  lindur.  Kafka  i  prekur  nga  ngashërimi  i  vajzës  së  vogel  i  premtoi  që  do  ta  ndihmonte  të  gjente  kukullën  dhe  i  la  takim  të  nesërmen  në  të  njëjtin  vend.

I  pazoti  të  gjente  kukullën  Kafka  shkruajti  një  letër  nga  ana  e  kukullës  për  vajzën dhe  e  solli  me  vete  kur  u  takuan..”të  lutem mos qaj,  unë  jam  nisur  në  një  udhëtim  për  të  parë botën  dhe do  të  shkruaj  për  aventurat  e  mia..” – kështu fillonte letra.

Kur  Kafka  dhe  vajza  e  vogël  u  takuan, ai  i lexoi  letrën  në  të  cilën  përshkruheshin  me  shumë hollësi  aventurat  imagjinare  të  kukullës  së  saj  të  dashur.  Vajza  u  ndie  e  lehtësuar  dhe  kur  takimet  e  tyre  mbërriten  në  fund, Kafka  i  dhuroi  një  kukull  tjetër. Ajo  sigurisht  që ishte  ndryshe  nga  kukulla  që  kishte  patur..(në  një  nga  letrat  që  i  kishte  shkruajtur  vajzës kukulla  i  tregonte: – “udhëtimet  më  kanë  ndryshuar”..)

Shumë  vite  më  pas , vajza  tashmë  e  rritur  gjeti  një  letër  të  fshehur  brënda  te  kukulla që  i  kishte  dhuruar  Kafka. Me  fjalë  të  përmbledhura  letra  thoshte:  “çdo  gjë  që  ti  do, është  shumë  e  mundur  që  ta  humbasësh,  por  në  fund  të  fundit  dashuria   për  të  do  të  shndërrohet  në  një  tjetër  formë.

Një  histori  e mrekullueshme  takimi  mes  botës  së  një  të  rrituri  dhe  të  një  femije. Magjepëse  mënyra  se  si  Franz  Kafka  arrin  të  ngushëllojë  vajzën  e  vogël.  Kafka  me  fantazinë  e  tij  ekstreme  dhe  ndjeshmerinë  e  thellë  bën  ti  kthehet  buzëqeshja  vogëlushes  Elsi.

(tregime  terapeutike)