Sindroma e RAPUNZEL – it . TRICOFAGIA

Të  gjithë  e  njohin  historinë  e  Rapunzel – it , me famë  për  flokët  e  saj të  gjatë dhe  të dendur. Që  prej  pak  vjetësh  e  këtej  me këtë  emër  njihet  një  sindrome  sa  e  çuditëshme  por  dhe  aq  e përhapur:  SINDROMA  RAPUNZEL.  Kjo  sindrome  për  botën  e  shkencës  njihet  si  Tricofagia. Ky çrregullim  është  shfaqur  në  literaturë  në  vitin  1889,  por  vetëm  në  1987  u konsiderua  nga psikologjia  si  një  çrregullim.

Tricofagia  ështe  shpesh  e  lidhur  me  tricotilomania , nje çrregullim kompulsiv  që  i  shtyn  personat  të  tërheqin  flokët  e  tyre  aq  fort (duke arritur  deri  në  shkulje  me tufa  dhe  formim  në  kokë  i  kurorave  boshe  pa  flokë ) . Në  përgjithësi  personat  me trikotilomani  mund  të  zhvillojnë  sjelljen  kompulsive  te  ngrënies  se  flokëve. Pasi i kanë  shkulur  flokët  ose  dhe  më  parë  i  fusin  në  gojë, luajnë  me  to  i  lëpijnë   derisa  i  gëlltisin.

Simptomat dhe trajtimi i  sindromes  Rapunzel.

 Dhimbje  barku, të  pështjella, humbje  oreksi,  të  vjella,  humbje  në  peshë,  gjakrrjedhje  ose perforacion (çpim  intestinal (zorrëve),  janë  disa  nga  pasojat  e  ketij  çrregullimi.  Në  rastet më  të  rënda , sasia  e  flokëve  të  gëlltitur  grumbullohet  me  ushqimin   dhe  mund  të  formojë një  top  që  sjell   pasoja  të  rënda  dhe  ndoshta  nevojën  për  ndërhyrje  kirurgjikale..

Një  trajtim  efikas  për  sindromen e Rapunzel ,  është  trajtimi psikologjik  me terapinë  strategjike  të  shkurtër, e  cila  nëpërmjet   një  protokolli  ndërhyrës  preçis,  vendos  objektivin  e  ndërprerjes  së  dinamikave  që  kontribuojnë  në  transformimin  e  problemit  në  një  kompulsion  të  bazuar  mbi  kënaqësinë.

Një  tjetër  terapi  është  ajo  konjitivo – komportamentale. Gjatë trajtimit  konjitivo – komportamental  përfshihen  aspekte  të  ndryshme  të  përqasjes  që  janë: Konjitive, Ambientale, Komportamentale (sjellore), Sensoriale  dhe  Emocionale.

Terapia  farmakologjike  nuk  përdoret  pothuajse  asnjeherë  për  kurimin  e  këtij  çrregullimi përveç  rasteve  ekstremisht  të rënda  dhe  te pacientët në  moshë  të  rritur.

Për  sa  kohë  sjellja  me  flokët  është  një  rrotullim  herë  pas  here  i  “bishtalecit ”,  prekje  e  vazhdueshme  e  nje  tufe  flokësh , disa  fijeve , e  fundit  të  një  gërsheti  që  nuk  zgjasin  në  kohë  dhe  qe  nuk  sjellin  rënie  dhe  dëmtime  të  dukshme ,  nuk  është  rasti  të  shqetësohemi  pa vend. Në  të  kundërt  duhet  të  drejtohemi  për  një  konsultë  me psikologun.