Përpjekjet e FLUTURES .

Ndonjëherë  dëshirojmë  shumë  të  kemi  një  jetë  pa  probleme , të  arrijmë  të  realizojmë  dëshirat tona  pa  u  lodhur  shumë ; pra  të  arrijmë  rezultate  pa  asnjë  sforcim. Kjo  dëshirë  është  ndër  më  të  këqijat  që  mund  ti  urojmë  vetes. Sigurisht  nuk  i  kërkojmë  me  qiri   andrrallat  dhe  pengesat, por  t’ia  mbathim  prej  tyre  është  akoma  dhe  më  keq.

Sa  here  gjendemi  para  një  periudhe  të  vështirë  ku  të  gjitha  përpjekjet  duken  të  kota  le  të kujtojmë  këtë  histori  të  thjeshtë :

Përpjekjet  e  FLUTURES.

“ Pas  një  dite  rraskapitëse, një  fshatar  teksa  pushonte  nën  një  hije ,vuri  re  levozhgën  e  mbyllur  të  një  fluture. (krizaldë  është  termi  (shumë  i  bukur  por  jo  aq  i  njohur)  që  përdoret  sot  për  të  emërtuar  lëvozhgën  perpara  se  krimbi  të  shndërrohet  në  flutur . Lëvozhga  ishte  gjithandej  e  mbyllur  me  përjashtim  të  një  vrime  të  vockël  anash. Fshatari  kureshtar  e  mori  në  dorë  dhe  po  mundohej  të  shihte  nga  vrima  e  vogël . Me  shumë  zor  arriti  të  dalloj  fluturën  e  vogël  që  përpiqej  me  të  gjitha  forcat  të  dilte  jashtë. Vështroi  gjatë  sforcimet  e  fluturës  së  vogël, që  përpiqej  të  dilte  nga  lëvozhga , por  përparimet  ishin  të  pakta. I  prekur  nga   stërmundimet  e  saj, fshatari  nxori  një  biçak  dhe  me  shumë  kujdes  e  hapi  aq  sa  duhej  lëvozhgën  deri  sa  flutura  mundi  të  dilte  jashte  pa  asnjë  sforcim. Në  këtë  moment  ndodhi  diçka  e  çuditëshme . Fluturza  e  ndihmuar  që  të  dilte  nga  lëvozhga, nuk  kishte  zhvilluar  “muskuj” aq  të  fortë  të  gatshëm  për  të  lëvizur  në  ajër. Ndonëse  tentoi  disa  herë  të  fluturonte,  mbeti  në  tokë  e  gjora  dhe  arriti  të  zvarritej  vetëm  pak  centimetra  larg  lëvozhgës , e  pazonja  të  arrinte  të  bënte  atë  për  të  cilën  natyra  e  kishte  krijuar. Fshatari  e  kuptoi  gabimin  e  rëndë  që  kishte  bërë  dhe  mori  një  mësim  të  mire  që  i  vlejti  për  gjithë  jetën : “ Nëpërmjet  vështirësive  natyra  na  bën  më  të  fortë  dhe  më  të  zotët  të  realizojmë  ëndërrat  tona “.

I  arrijmë  me  të  vërtetë  objektivat  tona , jo  kur  i  evitojmë  vështirësitë, por  kur  mësojmë  t’i  përballim  pa  zgjedhur  rrugën  më  të  lehtë.

  15/Janar/2017             (tregime  terapeutike)