Si janë banorët e këtij vendi ?

Shumë  kohë  perpara  Freud – it  dhe  Jung- ut  mekanizmat  e  mendjes  njerezore  i  kanë  shtjelluar  dhe  përcjellë  tregimet  popullore .

“Diku  andej  nga  Lindja  e  mesme  një  plak  i  mënçur  ishte  ulur  në  breg  të  një  oazi  në  hyrje  të  qytetit. Një  djalë  i  ri  iu  afrua  dhe  e  pyeti : “ Nuk  kam  qenë  asnjëherë  nga  këto  anë . Si  janë  banorët  e  këtij  vendi ?”

Plaku  iu  përgjigj  po  me  pyetje:  “ Si  ishin  banorët  e  qytetit  nga  vjen ?”

“Egoistë  dhe  të  këqinj,  prandaj  dhe  jam  i  kënaqur  që  ika  nga  aty.”

“Kështu  janë  dhe  banoret  e  këtij  qyteti ! ”, iu  përgjigj  plaku  i  mënçur.

Pak  me  vonë , një  djalë  tjetër  iu  afrua  plakut  dhe  i  bëri  të  njëjtën  pyetje:

“ Sapo  kam  mbërritur  në  këtë  vend. Si  janë  njerezit  e  këtij  qyteti ?” Plaku  iu  përgjigj  me  te  njejten  pyetje :  “ Si  ishin  banoret  e  vendit  nga  vjen ?”

“Ishin  te  mirë, dorëlëshuar, mikpritës  dhe  te  ndershëm . Kisha  shumë  miq  dhe  u  mërzita  shumë   që  i  lashë.!” Edhe  banoret  e  ketij  vendi  kështu  janë !” –  iu  pergjigj  plaku.

Nje  tregtar  qe  kishte  shpënë  devetë  aty  pranë  për  të  pirë  uje  e  kishte  degjuar  biseden  dhe  kur djali  i  dyte  u  largua  iu  drejtua  te  moshuarit  me  një  ton  të  sertë :

Si  mund  te  japesh  dy  pergjigje  krejt  te  kunderta  per  te  njejten  pyetje  që  të  bënë  dy  djemtë ?

“ Biri  im “, iu  pergjigj  i  moshuari,” gjithsecili  mbart  ne  zemer  atë   që  është. Kush  nuk  ka  gjetur  asgjë  te  mire  ne  te  shkuarën , nuk  do  gjejë  asgje  të  mirë  as  ketu.

Përkundrazi , ai  që  kishte  miq  të  mirë  në  qytetin  tjeter , do  gjejë  edhe  ketu  miq  të  mire  e  besnik. Sepse  ta  dish , çdo  krijese  njerezore  eshte  e  afte  te  shohë  te  tjetri  atë  që  ka  ne  zemrën  e  tij “.

Në  jetë  gjejmë  gjithmone  atë  që  presim  të  gjejmë…sepse  çdokush  projekton  së  jashtëmi  atë  çka  gjendet  brënda  tij.

21/shkurt/2017           (tregime  terapeutike)