HISTORIA E VAZOS PERFEKTE DHE E VAZOS SE KRISUR

E  gjora  vazo  e  krisur  turpërohej  për  difektin  e  saj  dhe  ishte  shumë  e  hidhëruar  që  bënte  vetëm  gjysmën  e  punës  për  të  cilën  ishte  krijuar.

..Një  grua  e  moshuar  kineze  kishte  dy  vazo  të  mëdha  të  cilat  i  varte  në  dy  anët  e  një  shkopi  druri  që  mbante  mbi  shpatulla.

Njëra  nga  vazot  kishte  disa  të  krisura, ndërsa  tjetra  ishte  perfekte  dhe ishte  gjithmonë  plot  me  ujë  përgjatë  rrugës, që  nga  burimi  e  deri  në  shtëpi, ndërsa  vazo  e  krisur  arrinte  gjysëm  e  boshatisur.Përreth  dy  vjet  me  rradhë  vazhdonte  e  njëjta  histori  me  gruan  që  çonte  në  shtëpi  një  vazo  e  gjysëm  me  ujë.

Natyrisht  që  vazo  e  pa  thyer  ishte  shumë  krenare  për  veten  e  saj, por  vazos  së  shkretë  që  ishte  e  krisur  i  vinte  shumë  turp  për  difektin  e  saj  dhe  ishte  shumë  e  hidhëruar  që  bënte  vetëm  gjysmën  e  punës  për  të  cilën  ishte  krijuar.

Pas  dy  vjetësh  që  jetonte  e  dëshpëruar  nga “dështimi “ i  saj, vazo  i  flet  të  zonjës  ndërkohë  që  po  ecnin  rrugës: “ Më  vjen  shumë  turp  nga  vetja, sepse  nga  kjo  e  krisura  që  kam  anash  derdhet  i  gjithë  uji  rrugës  kur  kthehemi  për  në  shtëpi ”.

E  moshuara  buzeqesh: -“a  e  ke  vënë  re  që  ka  lule  nga  ana  jote  e  shtegut  kur  ecim, por  jo  nga  ana  e  vazos  tjetër ?. E  pra  kjo  sepse  unë  e  kam  ditur  gjithmonë  difektin  tënd  dhe  për  këtë  arsye  kam  mbjellë  fara  lulesh  nga  ana  jote  me  qëllim  që  çdo  ditë  që  ktheheshim  ti  ujisje.

Për  dy  vjet  kam  mundur  të  këpus  lule  dhe  të  zbukuroj  tavolinën. Nëse  ti  nuk  do  të  ishe  kështu  si  je, nuk  do  të  kisha  patur  gjithë  këto  bukurira  për  ta  hijeshuar  shtëpinë.

Thelbi  i  kësaj  historie  NUK  është  të  mësojmë  se  mund  të  jemi  të  dobishëm  edhe  pse  kemi  difekte. Kjo  dihet. E  nuk  është  as  ajo  që, difektet  tona  mund  të  shndërrohen  në  pika  të  forta. E  dimë  që  limitet  mund  të  jenë  një  mundësi,  por  nuk  është  kjo  ideja.

Pyetja  që  sot  na  drejton  ky  rrëfim  është : Cilat   janë  gjërat  e  rëndësishme  për  ty ? Sa   bukuri   dhe  mirësi   po   sjell   në  jetën  tënde?

Burimi: “ The cracked pot story”