Një zgjidhje e thjeshtë !

Ne të gjithë i pelqejmë rrefenjat; jo vetëm ato që na bëjnë të ëndërrojmë, por edhe ato që na  bejne  te  reflektojme  dhe  prekin  pikat  tona  me  te  ndjeshme. Nuk është rastësi që shekuj me radhë udhëheqesit shpirtërorë  të  tribu – ve  kanë përdorur tregime të shkurtra me moralin për të reflektuar  mbare  komuniteti.

Milton Erickson, psikolog dhe hypnotherapist amerikan, kuptoi fuqinë e madhe të tregimeve të shkurtra psikologjike dhe filloi t’i zbatojë ato në hipnozë dhe psikoterapi. Erickson kuptoi se këto histori vijnë në te pandergjegjeshmen tonë, duke anashkaluar barrierat e mendjes së ndërgjegjshme, në mënyrë që të mund të shkaktojnë një ndryshim pozitiv  më  radikal sesa nje  fjalim i  mire, pavarësisht se sa llogjik dhe domethenes është ai.Fuqia e rrëfimeve të mençura është se ato nuk kerkojne të na bindin, kështu që ne nuk marrim një qëndrim mbrojtës a priori, por tregohemi  me  pranues, me  te  hapur dhe dëgjojmë dhe  ndjekim  mesazhin e tyre  dhe reflektojmë mbi  ato.

Leximi i tregimeve të shkurtra që na bëjnë të reflektojmë është gjithashtu edhe një mënyrë për t’u përgatitur për jetën dhe rritjen emocionale, sepse nganjëherë na lejojnë të kuptojmë menjëherë, nëpërmjet depërtimit  ne  brendesi  te  shpirtit se ku jemi duke gabuar dhe çfarë duhet të bëjmë për të zhvilluar paqen e brendshme.

Tregim i shkurter . Problemi

Një mjeshtër i madh Zen u ngarkua të mësonte dishepujt e rinj që vinin në manastir. Një ditë kujdestari i manastirit vdiq dhe duhej të zëvendësohej.Mjeshtri mblodhi të gjithë dishepujt e tij për të zgjedhur personin që do të kishte atë nder. – “Unë do t’ju paraqes një problem,” tha ai. Kush do ta zgjidhë i pari do të jetë kujdestari i ri i manastirit. – Zhvendosi një  mobilje në qendër të dhomës dhe vendosi mbi  te  një vazo  te  madhe dhe  te  bukur  prej  porcelani, në të cilën kishte një tufë  me  lule  shume  te  bukura.

– Ky është problemi !- Dishepujt dukeshin të habitur nga ajo që po shikonin : vizatimet e sofistikuara dhe të rralla të porcelanit, freskia dhe eleganca e luleve … Çfarë përfaqësonin vallë ? Çfarë duhet të bënin? Cila ishte enigma? Të gjithë ishin si të paralizuar. – Pas disa minutash, njëri  nga  nxenesit  u ngrit, vështroi mësuesin dhe dishepujt e tjerë, eci drejt vazos me vendosmëri, e hoqi nga siper mobiljes dhe e vendosi në dysheme.

– “Ti  je kujdestari i ri”, i  tha mjeshtri, “dhe  shpjegoi; ” Isha  shumë i  qartë  me  ju !  Ju thashë qe  jeni  duke  hasur  një  problem.Nuk  ka  rendesi  sa  interesante  apo  sa të  rrallë  jane  problemet, ato  duhen zgjidhur … !

Morali: kjo histori e shkurtër na paralajmëron për rreziqet e  mundeshme  qe sjell  te  ngecurit  ne  nje  pike,ne  nje mendim  fiks  rreth problemit, çeshtjes… gje  qe  ndodh  shpesh  në jetën e përditshme. Kur vazhdojmë te mendojme  e  rimendojme vetem  per  zgjidhjen  e  problemit, e  shtyjme  zgjidhjen  shpesh herë nga  frika  se  mos  gabojme, nderkohe  qe  duhet  te  mesojme  te  perballemi  me  të. Duhet të kujtojmë se shumë herë pesha e problemeve të pazgjidhura është më e madhe se sa pasojat e tyre.

(tregime Ψ terapeutike)                                                                                                30/janar/2019